२०७७ असार २९ गते / 13th Jul 2020, Monday
investment investment

राजनीतिक खिचातानीका कारण ६ महिनादेखि विद्यालय व्यवस्थापन समितिबिहीन

राजनीतितक दलको भागभण्डा नमिल्दा कपिलवस्तुको गौतम बुद्ध माविको व्यवस्थापन समिति ६ महिनादेखि खाली भएको छ ।


बुद्धभूमि नगरपालिका–२ गोरुसिङ्गेमा रहेको विद्यालयमा व्यवस्थापन समिति नहुँदा विद्यालयले शास्ती खेप्नु परेको छ । राजनीतिक खिचातानीका कारण विद्यालयले समस्या भोग्दा सरोकारवाला निकाय भने मौन देखिन्छन् । पुरानो व्यवस्थापन समितिको म्याद गत फागुन १७ गते सकिएको थियो ।


नेपाल सरकारबाट नमूना विद्यालयको रुपमा छनौट भएकोे यस विद्यालयमा नेकपा र नेपाली कांगेस समर्थकहरुले अध्यक्ष पद आफ्नै पोल्टामा पार्न खोजेका छन् । दुबै दलले गैर अभिभावकलाई व्यवस्थापन समितिमा राख्न खोजिरहेका छन् । दुबै पक्षबीच ‘बार्गेनिङ’ चल्दा विद्यालय आधा वर्ष समितिबिहीन हुन पुगेको छ ।


विद्यालयले समिति गठनका लागि एकपटक अभिभावक भेलाको आह्वान् गरिएपनि दलीय प्रतिनिधिले ‘सहमतिका लागि’ भन्दै गठन प्रक्रिया अगाडि बढ्न दिएका थिएनन । अभिभावकमध्येबाट चयन हुनुपर्ने ४ सदस्य चुनेर प्रक्रिया अगाडि बढाउनसमेत दिएका छैनन् । समिति गठनका लागि अभिभावक भेला बोलाइएपनि भाषण गरेर भेला समाप्त भएको थियो । अभिभावकमध्येबाट चुनिनुपर्ने ४ जना चुन्ने प्रक्रिया गर्नुको साटो सहमतिका नाममा कार्यक्रम ठप्प पार्नु विद्यालय प्रशासनको त्रुटि भएको अभिभावकहरु बताउँछन् ।


यता, विद्यालयका प्रधानाध्यापक रामप्रसाद अर्यालले राजनीतिक दलले सहमति भन्दै लामो समय लगाउँदा समस्या बल्झिएको बताउनुभयो । एक हप्तामा निकास दिने दलबाट आश्वासन आएपनि असहमतिका कारण लम्बिएको अर्यालले सुनाउनुभयो । विद्यालयमा ५ जना शिक्षक नियुक्ति गर्नुपर्नेछ । समिति नहुँदा रोकिएको छ । यसले पठनपाठनमा समेत असर पुगेको छ ।


यसै वर्ष नमूना विद्यालयको रुपमा छनोट भएको विद्यालयमा धेरै योजना र कामहरु गर्नुपर्ने भएपनि समिति नहुँदा अफ्ठ्यारोे अर्यालले बताउनुभयो । आन्तरिक छलफल नै २५ पटक भयो तर अहिलेसम्म सहमति जुरेको छैन ।


९ सदस्यीय व्यवस्थापन समितिमा ४ जना अभिभावकमध्येबाट हुन पर्छ । एक वडा प्रतिनिधि, प्रधानाध्यापक र १ जना शिक्षकसमेत रहने व्यवस्था रहेको छ । बाँकी रहेको २ जनामा गैर अभिभावक नियुक्त गर्न सकिन्छ । अभिभावकको ठाउँमा गैर अभिभावक आएमा नियमविपरित हुने बुद्धभूमि नगरपालिका शिक्षा शाखा उपसचिव लिलबहादुर राउत क्षेत्रीले बताउनुभयो ।

 

प्रमुख समाचार

सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन

सिन्धुपाल्चोकका पुराना शैक्षिक अभियन्ता एवं शिक्षक पोषप्रसाद नेपालको शनिबार राती ९५ वर्षको उमेरमा निधन भएको छ । लामो समयदेखि विरामी पर्नुभएका नेपालको ...

सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं

शिक्षा, विज्ञान तथा प्रविधिमन्त्री गिरिराजमणि पोखरेलले संघीय शिक्षा ऐन नआउँदासम्म प्राविधिक शिक्षा एवं व्यावसायिक तालिम कार्यक्रममा दोहोरोपना नआउनेगरी ...

 सीपप्रदायक संस्था एकातिर, रोजगारदाता अर्काेतिर  सीपप्रदायक संस्था एकातिर, रोजगारदाता अर्काेतिर

‘बजारको मागअनुरुप रोजगारी र सीप दिनेबीच अन्तर्सम्बन्ध जरुरी’ राष्ट्रिय आवश्यकता र बजारको मागअनुरुप जनशक्ति उत्पादन नहुँदा नेपालमा प्राविधि ...