२०७७ असार २९ गते / 13th Jul 2020, Monday
investment investment

शिक्षक लाइसेन्स परीक्षाको विज्ञापन खुल्यो

 

शिक्षक सेवा आयोगले शिक्षण अनुमति पत्र (लाइसेन्स)को परीक्षाका लागि विज्ञापन आज असार २ गतेबाट खुलाएको छ ।


प्रशासकीय प्रमुख डा. तुलसी थपलियाका अनुसार पाँच किसिमको विज्ञापन खुलाइएको छ । जसमा योग्यता र तालिम पुगेका नेपाली नागरिकले माध्यमिक, निम्नमाध्यमिक र प्राथमिक तहका लागि विज्ञापन खुलाइएको छ । त्यस्तै, शिक्षा ऐन अनुसार गणित, विज्ञानलगायत नौवटा विषयका निम्ति शैक्षिक योग्यता पुगेका तर तालिम नभएका व्यक्तिले पनि लाइसेन्सको परीक्षा दिन पाउँनेछन् । यस्तै, ऐनको दफा ३९ अनुसार साविकको उच्च माध्यमिक तहमा अस्थायी लाइसेन्स लिई पढाएका व्यक्तिले पनि लाइसेन्स परीक्षा दिन पाउने व्यवस्था गरिएको आयोगका प्रशासकीय प्रमुख डा. थपलियाले बताउनुभयो ।


१०० पूर्णाङ्कको परीक्षामा उत्तीर्णका लागि ५० अंक ल्याउनु पर्नेछ । आयोगले यही २२ असारसम्ममा नियमित दस्तुर तिरेर र थप ७ दिन थप रकम तिरी फारम भर्ने मिति तोकेको छ । फारमका लागि प्राथमिकका लागि ५००, निमावि ७०० र माध्यमिक तहका निम्ति १००० रुपैयाँ दस्तुर तोकिएको छ ।


आयोगले अनलाइनबाटै फारम भर्ने व्यवस्था गर्दै विज्ञापन गरेको हो । अनलाइन फारम भर्दा बैंक भौचर भर्न आयोगले दिएको सिम्बोल नं अनुसार प्रत्येक व्यक्तिलाई बैंकले बेग्लाबेग्लै कोड नम्बर दिनेछ । यसबाट बैंक भौचर भरेको सुनिश्चितता हुने बताइएको छ । ‘यसपालि नयाँ तरिकाले विज्ञापन गरिएको छ,’ डा. थपलियाले भन्नुभयो, ‘पहिलोपटक अनलाइन फारम भर्ने व्यवस्था र निम्नमाध्यमिक तथा माध्यमिक तहको परीक्षा विषयगत हुनु आफैंमा नयाँ हो ।’ अनलाइन फारम भर्ने र बुझाउने तरिका आयोगको वेभसाइटमा राखिएको छ ।  माध्यमिक र निम्नमाध्यमिक तहका लागि विषयगत परीक्षा लिनेछ । यसका लागि नयाँ पाठ्यक्रम बनाइएको छ ।


शिक्षक सेवा आयोगले अब वस्तुगत प्रश्नको उत्तर मेसिनबाटै परीक्षण गर्ने पनि बताएको छ । परीक्षाको विश्वसनीयता बढाउन यसो गर्न लागिएको हो ।


अहिलेसम्म आयोगको परीक्षा दिएर करिव ७ लाख व्यक्तिसित शिक्षण लाइसेन्स भएको बताइएको छ । यीमध्ये एकैजनाबाट तीन तहको लाइसेन्स लिनेहरुको संख्या पनि उल्लेखनीय छ । कोही ४० वर्ष नाघेका र कतिचाहिँ अर्काे पेशामा गइसकेकाले ७ लाख जना नै शिक्षक हुन तयार जनशक्ति भने अहिले नभएको आयोगको ठम्याई छ ।


कुन योग्यताले कुन तहमा दिन पाउने ?


माध्यमिकका लागि स्नातक, निम्नमाध्यमिक र प्राथमिक तहका निम्ति १२ कक्षा उत्तीर्ण गरेको हुनु पर्नेछ । परीक्षाको मिति भने तोकिन बाँकी नै छ । 

प्रमुख समाचार

सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन

सिन्धुपाल्चोकका पुराना शैक्षिक अभियन्ता एवं शिक्षक पोषप्रसाद नेपालको शनिबार राती ९५ वर्षको उमेरमा निधन भएको छ । लामो समयदेखि विरामी पर्नुभएका नेपालको ...

सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं

शिक्षा, विज्ञान तथा प्रविधिमन्त्री गिरिराजमणि पोखरेलले संघीय शिक्षा ऐन नआउँदासम्म प्राविधिक शिक्षा एवं व्यावसायिक तालिम कार्यक्रममा दोहोरोपना नआउनेगरी ...

 सीपप्रदायक संस्था एकातिर, रोजगारदाता अर्काेतिर  सीपप्रदायक संस्था एकातिर, रोजगारदाता अर्काेतिर

‘बजारको मागअनुरुप रोजगारी र सीप दिनेबीच अन्तर्सम्बन्ध जरुरी’ राष्ट्रिय आवश्यकता र बजारको मागअनुरुप जनशक्ति उत्पादन नहुँदा नेपालमा प्राविधि ...