२०७७ जेष्ठ १३ गते / 26th May 2020, Tuesday
investment investment

हेल्पले बदलिदिएको भोटेनाम्लाङ्ग स्कूल

सिन्धुपाल्चोक–शिक्षामा योगदान गरिरहेको संस्था हेलम्बु एजुकेशन एण्ड लाइभ्लीहुड प्रोग्राम (हेल्प)ले सिन्धुपाल्चोकको विकट क्षेत्र पाँचपोखरी थाङ्पाल गाउँपालिकामा रहेको भोटेनाम्लाङ्ग माविको मुहार फेरिदिएको छ ।


२०७२ सालको विनाशकारी भूकम्पले ध्वस्त बनेको सो स्कूलको पुनर्निर्माण गरी यही १२ वैशाखमा विद्यालयको साँचो व्यवस्थापन समितिलाई हस्तान्तरण गरिएको छ । १२ वैशाखलाई विनाशकारी भूकम्प गएको दिनका रुपमा सम्झने गरिन्छ । अभिभावक हलसहित १६ कोठे भवनहरुको हेल्पले करिव १६ महिना लगाएर पुनर्निर्माण गरेको हो ।


हेल्पका कार्यकारी निर्देशक जिमी लामाका अनुसार २ करोड ४६ लाख २७ हजार ८ सय ८२ रुपैयाँ ९० पैसा निर्माणका क्रममा खर्च भएको थियो ।


विद्यालय हस्तान्तरणका लागि आयोजना गरिएको समारोहमा संघीय संसदका सांसद एवं पूर्व स्वास्थ्यमन्त्री गगनकुमार थापाले प्रमुख अतिथिका रुपमा साँचो हस्तान्तरण गर्नुभयो । पाँचपोखरी थाङ्पाल गाउँपालिकाका अध्यक्ष टाँसी लामाले विद्यालयको अभिभावक हलको उद्घाटन गर्नुभएको थियो । उद्घाटन समारोहमा  राष्ट्रिय योजना आयोगका पूर्व उपाध्यक्ष डा. स्वर्णिम वाग्ले र जिल्लास्थित शिक्षा विकास तथा समन्वय इकाई प्रमुख गौरीशंकर पाण्डे उपस्थित हुनुहुन्थ्यो । वाग्लेले १६ महिना अघि विद्यालयको शिलन्यास गर्नुभएको थियो ।


समारोहमा जिल्लास्थित आयोजना कार्यान्वयन इकाईको सहयोगमा बनेको ६ कोठे भवनको पनि सो समारोहमा उद्घाटन गरिएको थियो ।   


हेल्प र टिच फर नेपालले विद्यालयको शैक्षिक सुधारका निम्ति संयुक्त रुपमा काम गर्दै आएका छन् । हेल्पले विद्यालयका विद्यार्थीलाई रातो झोला पनि पुनर्वितरण गर्योे । ‘स्कूल इन अ ब्याग’ कार्यक्रम अनुसार यो झोला वितरण गरिएको हो ।


भवन नबनुञ्जेल विद्यार्थीहरु खुला अस्थायी सिकाइ केन्द्रमा पढ्थे । हुरी–बतास, पानी र घामबाट पिरोलिँदै आएका विद्यार्थी अब भने खुशी छन् । समारोहमा प्रमुख अतिथि एवं पूर्वमन्त्री थापाले शिक्षकहरुलाई अब गुणस्तरका खातिर लाग्न आग्रह गर्नुभयो । ठाउँ र जन्मको आधारमा गुणस्तरीय शिक्षा पाउने वातावरणमा भेदभाव रहेको भन्दै थापाले यो अन्त्य हुनुपर्ने बताउनुभयो ।


कार्यक्रममा विशिष्ट अतिथि स्वर्णिम वाग्ले, इकाई प्रमुख पाण्डे, हेल्पका कार्यकारी निर्देशक लामालगायतले विद्यालयको पुनर्निर्माण र अब अपनाउनुपर्ने गुणस्तरीय शिक्षाका सम्बन्धमा बोल्नुभएको थियो ।  

प्रमुख समाचार

शैक्षिक शत्र खेर जान नदिने प्रधानमन्त्रीको आश्वासन शैक्षिक शत्र खेर जान नदिने प्रधानमन्त्रीको आश्वासन

प्रधानमन्त्री केपी शर्मा ओलीले रोकिएको माध्यमिक शिक्षा परीक्षा (एसइइ) पुनः सञ्चालन गर्न सकिने अवस्था नरहेतापनि विद्यार्थीको शैक्षिक वर्ष खेर जान नदिने ...

विज्ञको प्रश्नः छात्राको शैक्षिक गुणस्तर बढाउने नीति र बजेट खोई ? विज्ञको प्रश्नः छात्राको शैक्षिक गुणस्तर बढाउने नीति र बजेट खोई ?

यही १५ जेठमा प्रस्तुत हुने राष्ट्रिय बजेटमा बालिकालाई विद्यालयमा टिकाउन र तिनको शैक्षिक गुणस्तर बढाउनेगरी लैंगिक उत्तरदायी बजेट छुट्याउनुपर्ने विज्ञहर ...

शिक्षक तालिमः केन्द्रमा सिक्ने, बाटोसम्म सम्झिने अनि कक्षामा बिर्सिने ! शिक्षक तालिमः केन्द्रमा सिक्ने, बाटोसम्म सम्झिने अनि कक्षामा बिर्सिने !

नेपालमा सामुदायिक विद्यालयका ९८ प्रतिशत शिक्षकहरु तालिम प्राप्त छन् भन्ने सरकारी आँकडा छ । तर, तालिमको प्रभावकारिता कक्षासम्म पुगेन भन्ने गुनासो आइरहँ ...