काठमाडौं – बिहीवारदेखि देशभर माध्यमिक शिक्षा परीक्षा (एसइइ) शुुरु भएको छ । परीक्षाको पहिलो दिन बिहीबार विद्यार्थीहरुले अनिवार्य अंग्रेजी र वेद विद्याश्रम तर्फ अनिवार्य संस्कृत भाषा र साहित्यको परीक्षा दिएका छन् ।

परीक्षामा ७७ वटै जिल्लाका ९ हजार ९ सय ८८ विद्यालयका ४ लाख ८५ हजार ५ सय ८६ विद्यार्थीेले एक हजार ९ सय ५६ केन्द्रमा परीक्षा दिइरहेका छन् । जसमा नियमिततर्फ ४ लाख ६१ हजार ५ सय १५ र एक्जाम्टेडतर्फ २४ हजार ७१ रहेका परीक्षा नियन्त्रण कार्यालयले जनाएकोछ ।

शिक्षा ऐन २०२८ को दफा १७ अनुसार परीक्षामा दख्खल पुग्ने काम जो कोहीले गरेमा एक लाख रुपैयाँ जरिवाना वा ६ महिना कैद वा दुवै सजाय हुन सक्ने व्यवस्था छ ।

साधारणतर्फको परीक्षा १७ गतेसम्म र प्राविधिकतर्फको चैत २० गतेसम्म सञ्चालन हुने पनिकाले जनाएको छ ।