२०७७ असार २९ गते / 13th Jul 2020, Monday
investment investment

शिक्षक–कर्मचारी काज फिर्ताको निर्णय नयाँ शिक्षामन्त्री नियुक्ति पछि हुने


काठमाडौं – काजमा खटिएका शिक्षक कर्मचारीहरुलाई फिर्ता गर्ने विषयमा शिक्षा मन्त्रालय छलफलमा जुटेको छ ।


संघीय मामिला तथा स्थानीय विकास मन्त्रालयले काजमा खटिएका शिक्षक–कर्मचारीलाई १५ दिन भित्र फिर्ता गर्न भन्दै पत्र काटेपछि त्यसको तयारीमा मन्त्रालय जुटेको हो ।


यदि काजमा खटिएका शिक्षक–कर्मचारी फिर्ता गरिए देशभर रहेका १ हजार ५३ स्रोतव्यक्ति (आरपी) र आफ्नो विद्यालय छाडेर घरपायक काज मिलाएका करिव २ हजार शिक्षक बढी शिक्षकहरु फिर्ता हुनु पर्नेछ । शिक्षा मन्त्रालयका प्रवक्ता डा. हरि लम्सालले स्थानीय विकास मन्त्रालयको पत्र पाएसँगै आफूहरु त्यसको तयारी छलफलमा जुटेको जानकारी दिनुभयो । स्रोतव्यक्ति फिर्ता गर्दा उनीहरुको दरबन्दीमा कार्यरत लियन शिक्षकहरुलाई व्यवस्थापन गर्नुपर्ने भएकाले यस विषयमा नयाँ मन्त्री आएपछि मात्रै निर्णय गरिने डा. लम्सालले बताउनुभयो ।


‘काजमा रहेका  शिक्षक फिर्ता गर्न समस्या भएन तर स्रोतव्यक्ति फिर्ता गर्दा उनीहरुको दरबन्दीमा कार्यरत लियन शिक्षकहरुलाई के गर्ने भन्नेमा पर्याप्त तयारी चाहिन्छ,’ लम्सालले आजको शिक्षासँग भन्नुभयो, ‘नयाँ शिक्षामन्त्री आएपछि मात्रै यो विषय टुङ्गोमा पुग्छ ।’


सरकारले आधारभूत तथा प्राथमिक शिक्षा परियोजना पछि  शिक्षकहरुलाई स्रोतव्यक्ति बनाएर खटाएको थियो । शिक्षकको संख्या कम भएको वा उनीहरु बन्न नचाहेको ठाउँमा शिक्षा कार्यालयका कर्मचारी पनि स्रोतव्यक्ति बनेका थिए ।


स्थानीय विकास मन्त्रालयले भने संविधानको व्यवस्था तथा स्थानीय सरकार सञ्चालन ऐन २०७४ को दफा ११ ज अनुसार नै स्थानीय तहलाई कार्य सम्पादनमा सहजता ल्याउन काजमा खटिएका कर्मचारीलाई १५ दिनभित्र फिर्ता गर्न पत्र काटिएको जनाएको छ । मन्त्रालयका अनुसार विद्यालयमा हुने पठनपाठनलाई व्यवस्थित गर्न शिक्षकहरु जिम्मेवार हुनुपर्ने भएपनि कतिपय  ठाउँमा शिक्षक तथा कर्मचारी आफ्नो दरबन्दीभन्दा बाहिर कार्यरत रहेको फेला परेकोले फिर्ता गर्नु परेको हो ।


स्रोतव्यक्तिको काज फिर्ता गर्ने तयारीसँगै अब स्रोतकेन्द्रहरु पनि खारेज हुने भएका छन् । आगामी चैत २८ देखि जिल्ला शिक्षा कार्यालय पनि खारेज हुँदैछन् । स्थानीय तहमा विद्यालय शिक्षाको जिम्मेवारी पुगेसँगै केन्द्रीय संरचना भटाभट खारेज हुन थालेका छन् । यसअघि स्रोतव्यक्तिहरुले स्रोतकेन्द्रस्तरमा रहेर प्रत्यक्ष रुपमा विद्यालयहरुको काम गर्ने गर्थे । अब त्यो काम स्थानीय तह र वडा कार्यालयहरुबाट हुने भएको छ ।

प्रमुख समाचार

सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन

सिन्धुपाल्चोकका पुराना शैक्षिक अभियन्ता एवं शिक्षक पोषप्रसाद नेपालको शनिबार राती ९५ वर्षको उमेरमा निधन भएको छ । लामो समयदेखि विरामी पर्नुभएका नेपालको ...

सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं

शिक्षा, विज्ञान तथा प्रविधिमन्त्री गिरिराजमणि पोखरेलले संघीय शिक्षा ऐन नआउँदासम्म प्राविधिक शिक्षा एवं व्यावसायिक तालिम कार्यक्रममा दोहोरोपना नआउनेगरी ...

 सीपप्रदायक संस्था एकातिर, रोजगारदाता अर्काेतिर  सीपप्रदायक संस्था एकातिर, रोजगारदाता अर्काेतिर

‘बजारको मागअनुरुप रोजगारी र सीप दिनेबीच अन्तर्सम्बन्ध जरुरी’ राष्ट्रिय आवश्यकता र बजारको मागअनुरुप जनशक्ति उत्पादन नहुँदा नेपालमा प्राविधि ...