२०७७ असार २९ गते / 13th Jul 2020, Monday
investment investment

विद्यार्थीलाई दिवा खाजामा हलुवाको साटो जाउलो




रुकुम पश्चिम र रुकुम पूवा जिल्लाका १ सय ६८ विद्यालयका विद्यार्थीलाई पोषिलो जाउलो खुवाउन थालिएको छ ।


कक्षा १ देखि ८ सम्मका विद्यार्थीलाई लक्षित गरी विश्व खाद्य कार्यक्रमको सहयोगमा नेपाल सरकारले दिवा खाजा कार्यक्रम सञ्चालन गरेको छ । यस अघि दिवा खाजाका रूपमा रहेको हलुवा विस्थापन गरेर सरकारले पोषिलो चामलको साथमा दाल, तेल र नुन दिन शुरु गरेको हो ।


माघ महिनादेखि दिवा खाजा कार्यक्रम सञ्चालन भएका सबै विद्यालयमा जाउलो पाक्दै आएको छ । हलुवाबाट विद्यार्थीको पोषण स्थितिमा पर्याप्त सुधार नआएको निष्कर्षसहित सरकारले दिवा खाजामा पोषिलो चामल दिन थालेको शिक्षाका लागि खाद्य इकाइ रुकुम पश्चिमले जनाएको छ । पोषिलो दिवा खाजा वितरण गर्न लागेपछि विद्यार्थी नियमित विद्यालय आउन थालेका छन् । पहिला बिहान हाजिर गरेर घर फर्किहाल्ने विद्यार्थी अहिले पूरै समय विद्यालयमा बस्ने गरेका छन् ।


हाल दुई जिल्लाका २० हजार एक सय विद्यार्थीले विद्यालयमै जाउलो खान पाइरहेका छन् । पोषिलो चामलसहित अन्य खाद्य सामग्रीको जाउलो खानेमा १० हजार ४ सय २७ छात्रा छन् भने ९ हजार ६ सय ९१ छात्र रहेका छन् । ४ वटा वितरण केन्द्र रहेको रुकुम (पूर्व) मा ६७ वटा विद्यालयमा खाजा कार्यक्रम सञ्चालन भइरहेको छ । ५ वटा वितरण केन्द्र रहेको रुकुम पश्चिममा एक सय एक विद्यालयका विद्यार्थी यो कार्यक्रमबाट समेटिएका छन् । यसले विद्यार्थीको नियमित विद्यालय आउने दरमा पनि वृद्धि भएको सिस्ने गाउँपालिकाका स्रोतव्यक्ति बलबहादुर शाहीले बताउनुभयो । उहाँका अनुसार यसले खासगरी अति विपन्न परिवारका बालबालिकालाई प्रत्यक्ष रुपमा लाभ पु¥याएको छ ।


एक विद्यार्थीबराबर जाउलोका लागि ८० ग्राम चामल, २० ग्राम दाल, १० ग्राम तेल र २ ग्राम नुन आवश्यक पर्छ । शिक्षाका लागि खाद्य कार्यक्रम इकाईका निमित्त प्रमुख रामचन्द्र भट्टराईले साविक रुकुम जिल्लाका १ सय ६८ विद्यालयमै पोषिलो जाउलो पकाउन र खुवाउन शुरु भइसकेको जानकारी दिनुभयो । पोषिलो चामल सँगसँगै सरकारले जाउलो पकाउने भाँडा पनि उपलब्ध गराएपछि विद्यालयमा सहज भएको छ ।


प्रमुख समाचार

सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन

सिन्धुपाल्चोकका पुराना शैक्षिक अभियन्ता एवं शिक्षक पोषप्रसाद नेपालको शनिबार राती ९५ वर्षको उमेरमा निधन भएको छ । लामो समयदेखि विरामी पर्नुभएका नेपालको ...

सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं

शिक्षा, विज्ञान तथा प्रविधिमन्त्री गिरिराजमणि पोखरेलले संघीय शिक्षा ऐन नआउँदासम्म प्राविधिक शिक्षा एवं व्यावसायिक तालिम कार्यक्रममा दोहोरोपना नआउनेगरी ...

 सीपप्रदायक संस्था एकातिर, रोजगारदाता अर्काेतिर  सीपप्रदायक संस्था एकातिर, रोजगारदाता अर्काेतिर

‘बजारको मागअनुरुप रोजगारी र सीप दिनेबीच अन्तर्सम्बन्ध जरुरी’ राष्ट्रिय आवश्यकता र बजारको मागअनुरुप जनशक्ति उत्पादन नहुँदा नेपालमा प्राविधि ...