२०७७ असार २९ गते / 13th Jul 2020, Monday
investment investment

शैक्षिक समन्वय केन्द्रमा महर्जन


ललितपुर – जिल्लाको सामुदायिक विद्यालयको शैक्षिक विकासमा निरन्तर क्रियाशिल रहँदै आएको शैक्षिक समन्वय केन्द्र (इसिसि)को अध्यक्षमा गम्भीर समुन्द्र सेतु माविका सहायक प्रधानाध्यापक देवेन्द्र महर्जन निर्वाचित हुनुभएको छ ।


यही १२ फागुनमा ललितपुरमा सम्पन्न केन्द्रको १६ औं वार्षिक साधारणसभा एवं अधिवेशनले महर्जनको नेतृत्वमा ११ सदस्यीय नयाँ कार्यसमिति निर्विरोध चयन गरेको हो ।


केन्द्रको उपाध्यक्षमा आदर्श सौल युवक माविका प्रधानाध्यापक सरोजभक्त आचार्य, सचिवमा नमूना मच्छिन्द्र माविका शिक्षक कुलचन्द्र आचार्य निर्वाचित हुनुभएको छ ।  कोषाध्यक्षमा शिक्षकहरु महालक्ष्मी माविका अम्बिका लिम्बु र सहसचिवमा विशंखुनारायण माविका ईश्वरध्वज कार्की निर्वाचित हुनुभएको छ ।


त्यस्तै, अधिवेशनले सदस्यहरुमा शिक्षकहरु बालउदय आधारभूत विद्यालयका दयासागर घिमिरे, महेन्द्र आर्दश माविका एकबहादुर भण्डारी, गुप्तेश्वर आधारभूत विद्यालयका प्रेम नेपाली, देउराली आधारभूत विद्यालयका ज्ञानबहादुर देसार, चोइना विणा गुरुगणेश आधारभूत विद्यालयका भिमप्रसाद गेलाल र नवज्योति माविका गुरुशरण यादवलाई निर्वाचित गरेको छ ।


कार्यक्रममा एसइइ परीक्षामा उत्कृष्ट अंक ल्याउने नमूना मच्छिन्द्र माविका प्रवेश केसी (३.९) र आदर्शसौल युवक माविकी स्मृति खड्का (३.८) लाई पुरस्कृत गरिएको थियो । त्यस्तै, नेपाली हस्तलेखन प्रतियोगितामा प्रथम हुने चोइनाविणा गुरुगणेश आधारभूत विद्यालयका छात्रा रञ्जु चौधरी, द्वितीय प्रगति शिक्षा सदन माविका रचिता साह, तृतीय हुने श्रमिक शान्ति माविका आशिका चौधरी र सान्त्वना मोती विनायक आधारभूत विदालयकी अस्मिता श्रेष्ठलाई पुरस्कृत गरिएको थियो । त्यस्तै, सेवा निवृत्त शिक्षकहरु उद्धवहरि अधिकारी, विजय बानियाँ, इन्दिरा ढुंगाना, वंशीधर खड्का र अर्जुन खड्कालाई सम्मान गरिएको थियो ।


कार्यक्रममा बोल्दै जिल्ला शिक्षा अधिकारी देवेन्द्रराम खनालले केन्द्रले विगतदेखि जिल्लाको सामुदायिक शिक्षाको विकासमा पु¥याएको योगदानको प्रशंसा गर्दै आगामी दिनमा अझ सशक्त कार्यक्रम ल्याउनेमा आफू विश्वस्त रहेको बताउनुभयो ।


निर्वाचित कार्यसमितिलाई शुभकामना व्यक्त गर्दै निवर्तमान अध्यक्ष एवं प्रगति शिक्षा सदन मावि कुपण्डोलका प्रधानाध्यापक सूर्यप्रसाद घिमिरेले नयाँ कार्यसमितिले सबै पक्षलाई मिलाएर सामुदायिक शिक्षा र विद्यालयका समृद्धिका पक्षमा अझै नवीन काम गर्दै जाने अपेक्षा व्यक्त गर्नुभयो ।


नयाँ कार्यसमितिलाई केन्द्रका संरक्षकहरु होमबहादुर कुँवर, ब्रजभुषण राय, सल्लाहकार विजय बानियालगायले शुभकामना दिनुभएको थियो ।

प्रमुख समाचार

सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन सिन्धु विद्यालय स्थापनाका साक्षी अंग्रेजी शिक्षाका पक्षधर पोषप्रसाद नेपालको निधन

सिन्धुपाल्चोकका पुराना शैक्षिक अभियन्ता एवं शिक्षक पोषप्रसाद नेपालको शनिबार राती ९५ वर्षको उमेरमा निधन भएको छ । लामो समयदेखि विरामी पर्नुभएका नेपालको ...

सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं सामाजिक विकास मन्त्रीहरुलाई शिक्षामन्त्रीको आग्रह–सिटिइभिटिका कार्यक्रममा दोहोरोपना नगरौं

शिक्षा, विज्ञान तथा प्रविधिमन्त्री गिरिराजमणि पोखरेलले संघीय शिक्षा ऐन नआउँदासम्म प्राविधिक शिक्षा एवं व्यावसायिक तालिम कार्यक्रममा दोहोरोपना नआउनेगरी ...

 सीपप्रदायक संस्था एकातिर, रोजगारदाता अर्काेतिर  सीपप्रदायक संस्था एकातिर, रोजगारदाता अर्काेतिर

‘बजारको मागअनुरुप रोजगारी र सीप दिनेबीच अन्तर्सम्बन्ध जरुरी’ राष्ट्रिय आवश्यकता र बजारको मागअनुरुप जनशक्ति उत्पादन नहुँदा नेपालमा प्राविधि ...